Burj Al Arab

Burj Al Arab
Irudi gehiago
Kokapena
Estatu burujabe	Arabiar Emirerri Batuak
Arabiar Emirerri Batuetako emirerri	Dubai
Hiria	Dubai
Koordenatuak	25°08′29″N 55°11′07″E / 25.1414°N 55.1853°E / 25.1414; 55.1853
Historia eta erabilera
Irekiera	1999
Inaugurazioa	1999ko abenduaren 1a
Jabea	Jumeirah (en)
Arkitektura
Arkitektoa	Tom Wright (en)
Egitura ingeniaritza	Atkins (en)
Estiloa	high-tech architecture (en) arkitektura postmodernoa
Dimentsioak	321 () m
Solairuak	56
Lurrazpian	3
20
Webgune ofiziala

Burj Al Arab dorrea (arabieraz برج العرب "Arabiarren Dorrea") Arabiar Emirerri Batuetako Dubai hirian dagoen luxuzko hotel bat da. Hotelaren jabea Jumeirah taldea da eta Said Khalilek eraiki zuen. Estrukturak itsasontzi baten belaren itxura du.

Eraikina hondartzaren ondoan eraikitako irla artifizial batean kokatzen da. Dorreak 321 metroko altuera dauka eta 60 solairu ditu; munduko hotel handienetarikoa da, nahiz eta bere altuera guztiaren %39ak erabilerarik ez izan^[1]. Dorrearen azken solairuan, 210 metroko altueran, helikopteroak aireratzeko pista dago.

Diseinua eta eraikuntza

Burj Al Arab hotela Atkins aholkularitza enpresak diseinatu zuen, Tom Wright arkitektoaren gidaritzapean. Diseinua eta eraikuntza Rick Gregory ingeniari-enpresa kanadarrak kudeatu zituen. Uharte artifizialaren eraikuntza 1994an hasi zen eta 2.000 langilek hartu zuten parte. Belaontzi baten belaren antza izateko eraiki zen. V eran zabaltzen dira bi "hego", "masta" zabal bat osatuz. Haien arteko espazioa atari erraldoi batek betetzen du.

Murray & Roberts Hegoafrikako eraikuntza kontratistak eraiki zuen hotela. Barne-diseinuak KCA enpresako Khuan Chew-ek eta John Coralan-ek burutu zituzten eta Arabiar Emirerri Batuetako Depa Group-ek gauzatu zituen.

Eraikina 1999ko abenduaren 1ean zabaldu zen.[2]

Hotelaren heliportua Rebecca Gernon irlandar arkitektoak diseinatu zuen. Heliportua eraikinaren 59. solairuaren gainean dago, eta erabilera ugari izan ditu: auto-lasterketa-pista, boxeo-ringa, tenis-pista edota historiako kite surf jauzirik altuena egiteko jauzi-puntu gisa ere erabili izan da.

Ezaugarriak

Ingeniaritza-lan konplexua izan zen hotelaren eraikuntza. Esaterako, hotela itsasertzean eraikitako 280 m-ko uharte artifizial batean dago. Zimendu egokiak ziurtatzeko, enpresa eraikitzaileak 40 metroko luzerako hormigoizko 230 pila sartu zituzten hondarrean. Jarraian harritzarrez osatutako lur gainazaleko geruza bat sortu zuten zimenduak higaduratik babesteko. Hiru urteko lana eman zuen itsasoari lurra berreskuratzeak, eta hiru urte baino gutxiago behar izan ziren eraikina bera eraikitzeko. Eraikinak 70.000 m3 hormigoi baino gehiago eta 9.000 tona altzairu ditu.

Eraikinaren altuera kontuan hartuta, Burj Al Arab munduko bosgarren hotelik altuena da Gevora Hotel, JW Marriott Marquis Dubai, Four Seasons Place Kuala Lumpur eta Rose Rayhaan atzetik. Aldiz, erabilera mistoko eraikinak zerrendatik kenduta, Burj Al Arab munduko hirugarren hotelik altuena da. Rose Rayhaan-en egitura, hau ere Dubain, 333 metrokoa da, Burj Al Arab baino 12 m altuagoa.

Nabarmentzeko ekitaldiak

Hedabideen arreta erakartzeko hainbat ekintza antolatu dira lurretik 210 metrotara dagoen heliportuan. Besteak beste:

• 2004: Tiger Woods golfean [28]
• 2005: Andre Agassi eta Roger Federer tenis-jokalarien arteko partida
• 2006: Ronan Keating kantariak "Iris" singlearen bideoklipa bertan filmatu zuen
• 2011: Rory McIlroy golfean
• 2013: Aston Martin markako Vanquish modeloa helikopteroz igotzea
• 2013: David Coulthard 1 Formulako kotxe batekin derrapatzen
• 2017: Nick Jacobsenek heliportutik itsasora egin zuen salto, kiteboarda lagun
• 2021: David Guetta DJaren zuzeneko ongintzazko kontzertua

Erreferentziak

Ikus, gainera

• Dubaiko etxe orratzik garaienen zerrenda

Kanpo estekak

• (Ingelesez) Burj Al Arab hotelaren webgune nagusia.

• Datuak: Q62939
• Multimedia: Burj Al Arab / Q62939