Etxano

Etxano
Euskal Herria
Kokapena
Herrialdea	Bizkaia
Udalerria	Zornotza
Administrazioa
Posta kodea
INE kodea
Geografia
Koordenatuak	43°13′34″N 2°42′45″W / 43.2261°N 2.7125°W / 43.2261; -2.7125
Demografia
Biztanleria	226 (2022: Adierazpen errorea: Ustekabeko < eragilea Espresio akatsa: Ez dago operadorerik -(r)entzat)

Etxano Zornotzako ekialdean dagoen baserri-auzoa da, antzinean herri garrantzitsua izandakoa eta 1950eko hamarkada arte udaletxe propioa eduki izan duena. Horren lekuko udalerriaren izen ofiziala da, Amorebieta-Etxano alegia. Bestela, XX. mendearen hasieran "auzo-ikastola" bat sortu zuten bertan.

2007ko urtarrilaren 1eko erroldaren arabera, auzoak 226 biztanle ditu.

Auzuneak

• Alakao
• Altzibarra
• Arrinda
• Dudea
• Epaltza

Historia

Erdi Aroan hainbat oinetxe eta etxe armarridunak eraiki zituzten: Larrea (877. urtekoa), Alzaibar, Aretxaga, Belaustegi eta Nafarroa. Azken honetan Bizkaiko Jaurerria eta Nafarroako Erresumaren arteko mugarria egon zen 1150 arte. Bestela, Etxano elizateak 30. eserleku eta botoa eduki zuen Bizkaiko Batzar Nagusietan.

Parrokia eliza, Andra Mariarena, X. mendean eraiki eta XVI.enean berreraiki eta handitu zuten. Elizaz gain, Etxanon bost baseliza zeuden: Santa Luzia, San Joan Bataiatzailea, San Bartolome, San Andolin eta Bizkargiko Kurutze Santuarena, bai eta 1712an egindako komentu bat ere.

Etxanotar ospetsuak

• Pedro Ormaetxe (1891–1949), elizgizona eta euskal idazlea.
• Xabier Amuriza (1941), bertsolaria, Etxanoko Torreburu baserrian jaioa.

Demografia eta biztanleria

Etxanoko biztanleria

2000	2001	2002	2003	2004	2005	2006	2007
207	211	218	220	217	219	239	226

Jaiak eta ospakizunak

Etxanoko jaiak tradizioz abuztuaren 15eko Ama Birjinaren Jasokundearen omenez ospatzen dituzte.

Kanpo estekak

• (Gaztelaniaz) Etxano Auñamendiko entziklopedian
• (Gaztelaniaz) Etxano 1842tik aurrerako erroldetan udalerrietako datuak jasotzen dituen webgunean.

• Datuak: Q12257355
• Multimedia: Etxano / Q12257355