Greziar mitologian, Meleagro Eneoren eta Altearen semea da, Kalidon lurraldeko basurde-ehiztarien buruzagia. Eneok uzta jaso, eta Artemisari izan ezik, gainerako jainko guztiei eskaintzak egin zizkien uztarengatik eskerrak emanez. Artemisak, hura ikusirik, basurde bat bidali zuen Kalidonera, hango larreak desegin zitzan. Meleagrok basurdea harrapatzeko ehiztari-talde bat bildu zuen, bere herriko ehiztariek eta Altearen anaiek osatua. Basurdea harrapatu zutenean, Meleagrok bere herriko ehiztarien artean zatikatu nahi izan zuen basurdea, eta amaren anaiak, haren herrikoak ez zirenez, hil egin zituen. Amak, ekintza haren ondorioz, Meleagro bizirik mantentzen zuen egur-zatia sutara bota zuen, eta egurra erre zenean, Meleagro hil egin zen.
Kalidongo basurdearen ehiza zeramikazko ontzi batean.
Erreferentziak
Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
eta Ares
Datuak: Q321541
Multimedia: Meleager / Q321541
