Sviatoslav I.a Kievekoa

Sviatoslav I.a Kievekoa
Irudi gehiago
Kieveko printzea 945 - 972 ← Igor Kievekoa - Yaropolk I of Kiev (en) → Grand Prince of Novgorod (en) 945 - 969 ← Igor Kievekoa - Vladimir I.a Kievekoa →
Bizitza
Jaiotza	Kiev, 942
Herrialdea	Kieveko Rusa
Heriotza	Dnieper Rapids (en) , 972ko martxoa (29/30 urte)
Heriotza modua	giza hilketa
Familia
Aita	Igor Kievekoa
Ama	Olga Kievekoa
Ezkontidea(k)	Predslava (en)
Bikotekidea(k)	ikusi Malusha of Dereva (en)
Seme-alabak	ikusi Yaropolk I of Kiev (en) Oleg of the Drevlyans (en) Vladimir I.a Kievekoa
Leinua	Rurik leinua
Hezkuntza
Hizkuntzak	Antzinako ekialdeko eslaviera
Jarduerak
Jarduerak	diplomazialaria eta politikaria
Sinesmenak eta ideologia
Erlijioa	Slavic religion (en)

Sviatoslav I.a Kievekoa (ekialdeko eslavieraz, Святослав; antzinako eskandinavieraz: Sveinald Ingvarsson; c. 942 - 972ko martxoa) Kieveko Ruseko printze-gerlaria izan zen, Igor Kievekoaren eta bere emazte Olgaren semea.

Sviatoslav ospetsua da bere kanpaina militarrengatik; kanpaina horiek Ekialdeko Europako bi potentzia handiren erortzea eragin zuten: Khazaren erreinua, eta Inperio bulgariarra. Volgako bulgariarrak, alanoak, eta bestelako tribu eslaviarrak ere mendean hartu zituen, eta magyarrekin eta petxenegoekin aliatu zen.

Kieveko Rusan izandako agintaldiak hamarkada bat iraun zuen, eta Volgaren haranera, Estepa Pontikora eta Balkanetara berehalakoan hedatzea izan zuen ezaugarri.

Sviatoslav pagano izan zen bere bizitza osoan.

Borrokan hil zelako, haren konkistak ez ziren inperio gisa kontsolidatu, eta ondorengotza egonkorra ezartzen saiatzean izandako porrotak bere ondorengoen artean gerra zibila pitzarazi zuten.

Familia

Sviatoslaven haurtzaro eta gaztaroari buruz ez dago ia daturik; Novgorodeko Ruseko agintean igaro zituen urte horiek. Bere aita, Igor, 942 inguruan asasinatu zuten, eta, ondorioz, Olga Kievekoa erregeorde izan zen, semea adinez nagusi izatera iritsi arte (963).

Sviatoslavek seme-alaba asko izan zituen, baina haren emazteen jatorriari buruzko datu zehatzik ez dago.

Kanpaina militarretara abiatu zenean, familiartekoak utzi zituen Printzerriko hiri garrantzitsuenetako erregeorde: Kieven, ama Olga, eta aurrerago, Yaropolk semea; Novgoroden Vladimir semea, eta Oleg semea drevlianiarren subirano.

Erregealdia

Tronuratu bezain pronto, Sviatoslav gerra egiten hasi zen Rusa Volgaren haranera eta Estepa Pontikora hedatzeko. Haren lorpen handia Khazariarren erreinua, mendetan eta mendetan Ekialdeko Europako potentzia handienetakoa izan zena, konkistatzea izan zen.

Heriotza eta ondorengotza

972ean asasinatu zuten, eta haren heriotzak tentsio handiak eragin zituen semeen artean, baita gerra ere bi seme legitimoen artean. 977an, Vladimir semeak ihes egin zuen Novgorodetik Eskandinaviara, baina armada batekin itzuli zen, eta bere anaia Yaropolk hil zuen 980an. Kieveko Ruseko printze bihurtu zen Vladimir.

Familia

Kanpo estekak

• Datuak: Q1058572
• Multimedia: Sviatoslav I, Prince of Kiev / Q1058572