Swilly aintzira

Swilly aintzira Lough Swilly (en), Loch Súilí (ga)
Mota	badia
Geografia
Koordenatuak	55°09′14″N 7°32′12″W / 55.1538°N 7.5366°W / 55.1538; -7.5366

Swilly aintzira (ingelesez Lough Swilly eta irlanderaz Loch Súilí) Irlandako iparraldeko Donegalgo konderrian dagoen fiordoa da. Swilly ibaia itsasoratzen da bertan.

Geografia

Fanad eta Inishowen penintsulen artean kokatzen da. Herri handiena hegoaldeko muturrean du, Letterkenny hain zuzen ere. Beste herriak Rathmullan (Fanaden) eta Buncrana (Inishowenen) dira.

Baditu hainbat uharte polder sistema bidez lorturikoak, denetan handiena Inch uhartea da. XIX mendean egin ziren dikeak urari irabazitako lurretan nekazaritza bultzatzeko.

Fauna

Basabizitza aipagarria da, hegaztien migrazio bideetan kokaturik baitago. Besteak beste milaka beltxarga oihulari, branta musuzuri eta musubeltz etortzen dira. Uretan ere ugariak dira izurdeak.

Historia

Hainbat itsasontzi daude urperaturik bertan. Alemaniar torpedo batek SS Laurentic untzia jo zuen eta bertan hondoratu zen urrezko 3.211 lingoterekin. Aurrez, 1811ean enbatak Britainiarren Royal Navyko HMS Saldanha hondoratu zuen eta 253 marinel hil ziren.

Irudia

• 
  Portsaloneko kaia
• 
  Inch uhartea
• 
  Aintziraren ikuspegia Grianan Aileachkotik
• 
  Yateen estropada

Kanpo estekak

• Datuak: Q1444194
• Multimedia: Lough Swilly / Q1444194